Lebjournal.com

حطّيتو لْ قلبي بْ كفّي —– وْقلبك بالكفّ التاني
ما قْدرت بْحبّي كفّي—– حسّيتك عمتنساني
من مدة كنت تلفّي —– من صوبي وتتمنّاني
صرت غرامَكِ تـْخفّي —– ترسم دمعي بْأحزاني
حلمي دفشتو عا حفّة —– داب بْقلب البركاني
هلّق رح بلّش إشفي —– جرحي ورجّع كـَياني
يطيْرْ منْ شرفه لَ شرفه —– متل فـْراشه حِلـْيـاني
وما زال تـْركت الشفّة —– تلمس لَ وحدا لساني
رح خليّ قلبي يصفّي —– ينقّي دمّو بِ ثـْواني
وبعدا يقلـّك بــِكًـَفـّي —– ضلْ إهواك وْتهواني

Tags: ارشيف الموقع, ثقافة وادب وناس // Add Comment »