عصفور طيار
Lebjournal.com
By Alain Safa
أنا وصغير تعذبت كثير
كان طريق المدرسة بعيد عن البيت كتير
كنت اوعى ومش عارف إذا كنت واعي
كنت ألبس تيابي وآخذ شنطتي إذا في داعي
كنت أمشي عالطريق تحت الشتي وصلي لربي مليون مرة وكنت قلو …هيئتك مش واعي
كانو السيارات يطرتشوني بالمي
وكانو تيابي يصيرو مبللين والناس يشوفوني ويقولو يا حرام هالصبي خطي
وكنت أوصل عالمدرسة بعد ما يدق الجرس بشوي
كنت فوت عالصف وقبل ما قول صباح الخير كان يوصل لوجهي الكف
كانو ينزلو دموعي ويوردو خدودي ويورمو أيدي من الضرب وكان الحزن محتل شقة بعيني
والاستاذ يلي بدو يعلمني التاريخ والجغرافيا والحساب والأدب العربي
كان قاسي وما كان يسأل ليش عم أتأخر وكيف وصلت عالمدرسي وكان مفكر حالو ربي
قرفت من المدرسي ومن الحروف ومن الأستاذ ومن الصفوف
قلت لحالي مش هيك الله بدو يني عيش هيدا مش محلي أنا أنا لازم عيش بباريس
هربت من المدرسي وفليت وما رجعت عالبيت
وبلشت قول لرفقاتي عن أحلامي وكيف بدي عمر بيت
كانو يفكروني فناص بس بالرغم من هيك صدقوني وفلو معي بس أنا فليت
طلعنا عاراس الجبل وقال بدنا نروح عا بيروت وبعدين نطير عا باريس
مشينا ٥ كيلومتر وبلشو الولاد يجوعو ما بقى معنا أكل بالكيس
بلشو يبكو ويتزكرو أكل أمهاتن وصارو بدن يرجعو قبل ما تصير الدني ليل
وبقيت وحدي وكفيت مشواري تا صارت الدني ليل
بلشت أسمع صوت الضفادع وروكبو من الخوف ركابي وقلت دخليك يا ايمي ودخلك يا بي
حملة حالي ورجعت عالبيت بنص الليل وتخبيت بالعلية
وفجأة بيوصل بي يلي كان عم يفتش عليي
كمشني وربطني بحبل وعلقني راسي لتحت ولفوق أجريي
وتركني وفل وقال خليه الله يتشفع فيي
بلشت صرخ يا الله دخل نزال فكني
وذا كنت مش فاضي بعتلي شي قاضي
وذا كان القاضي مشغول
بعتلي شي صحن فول
وذا كانو الفولات خالصين بعتلي حدا من هالموءمنين
وضليت أحكي مع الله ساعتين ولا أجا الله ولا بعتلي حدا
صرت جوعان وبردان وقرفان وقلت لحالي … ألعمى … شو عدا ما بدا ؟
بي قاصصني والله ناسيني وأنا جوعان بعدني بلا غدا
انو لشو كل هالقصاص ؟
يا ريتك يا بي بعدك عايش تا تشوف ابنك يلي كان يحلم يروح عا باريس وين صار ؟
ركب جوانح وصار عصفور طيار بعدو عم يحلم وكل ما غط بمطار بيرجع يطير ويفتش عالعبة يلعب فيها متل الولاد الصغار
يعني برده مفهوم القصه ايه الواد فضل متشعلق كده وخلاص ولا ايه وابوه راح فين انا مش فاهم حاجة