Lebjournal.com

كل عشرين الله يعين

مراحل حياة الأنسان

أول عشرين سنة الدني مش سايعته  و الحياة حلوة و ما في شي بشع, بدو كل شي و ما بيعرف شو بدو , و مفكر حالو عارف بكل شي و هو مش عارف شي , معتقد أنو مالك كل شي و هو بالحقيقة ما بيملك شي , عايش بالأحلام  و سارح بالخيال هو سكران بشغف الحياة بس واعي , هو نايم بس  صاحي , بتحكيه ما بيسمع و يتعطيه اللي بدو أياه بس ما بيشبع , بيروح و ما بيرجع تالصبح يطل و بتكون عايش على أعصابك تايرجع و هو مش شايفك و لا قاريك أو أريك بكتابه  هيد تعبير  جديد للشباب, و ياريت بيقرا بكتابه

, المراهق بيعش حياته للآخر مثل شي عاصفة بياخد كل شي بدربه  , بيثور  على المجتمع تيكسر التقليد  و يطلع من المألوف  و يتمرد على المحيط  هو المنطق و أهله الامنطق هو هو العقل المتطور و هني العقل المتخلف , القيم و العادات و الصيت الحسن ……… معقول وين بعدكن  وعوا ولو  ,  فهموا راسي شوي بدي عيش بدي شوف كل شي بدي أسهر بدي أفرح  و جرب كل شي !!  يمكن معو حق المثل ما غليط ما حدا بيتعلم إلا من كيسه

.

بكل الأحوال هالأيام أيامهم و من حقهم يعيشوا  و يتمتعوا بالحياة  و يستغلو كل لحظة فرح  لأن الأصعب ناطروهم .

تاني عشرين الزمن  ما بيرجع للخلف بيصير ما  في شي عاجبو بحايته و شغله و بيحس بالملل  و مش راضي  و بدو يغير كل شي   و المسؤولية هالكته المره و الأولاد , و  بيضل زهقان و معص بس يجي على البيت ,  و النق ما تسأل ؟ ليش هيك و ليش مش هيك  و ليش هالشي هون و هونيك .  شو هالبيت ما في الواحد يرتاح ببيته !!!!!!!!!!! يييييييييييييي دخلك ليش صايره هيك  ما بترتبي حالك شوي , سكتي الأولاد بدي أحضر تلفزيون ,   زعيق و نفير ما بيخلص بس المشكلة مش هون المشكلة بالمراية بيرفض  يعترف أنو العمر عم بيفلت من بين أيديه   و بيحاول يغير كل شي أكيد  روح الشباب مسيطرة عليه بيصبغ شعره أو بيزرع شعر  و بيغير اللوك و بيلبس ثياب رياضه و سبور  و بينحف جسمه و بيصير حديثه عن الرياضه  و الموضه و بياخذ بالفيتامينات و بيغير السيارة أكيد هيدي سيارة سبور بترحله أكثر و بيكبر سيارة المره تتساع الأولاد  وين ما نوجد بيخبر عن مغامراته مع البنات كأنه أبن العشرين .. أنا مية بنت بالعشرين بتتمنى عليي !! ليش شو ناقصني جمال و مال و شباب ؟  بيضحك على البنات و مش دريان ا نو البنات عم يضحكو عليه كل هالشي تيرجع عنفوان الشباب , و المصيبة إذا عرفت المره هوني الكارثة  و عا جهلة الأربعين اللًه يعين ………..

تالت عشرين بيلاقي الأفضل يغير حالو لأنو مش قادر يغير شي بهالدني و بيصير يفكر شو عمل  بحياته و بشغله و مع شريكة حياته  و بيشعر أنه مش راضي على كل اللي عمله و ما حقق شي من أهدافه بالحياة بيصير يركض و العمر يركض أدامه همه المال للآخرة و كيف يرضي المره و ولاده  بس مش الكل متله في ناس بيكمل الجهل يشتغل شغله بعقله  و هاجسه الأبيض كيف يلونه بالأسود  ومش عارف انو الشيبه هيبه   و الهم يرضي السكرتيره  و بتكتر أجتماعات العمل و عزايم الغذاء و العشاء  أوففففففففففففف شو هالمره اللي عندي الكبر بين عليها و أنا بعدني شب و يترحلي الحياة  و بطلع الدرج مثل السبع و بسهر و بشرب ليليه مع صبيه على المال مش سألان المهم يفرح هالصبية  و فجأة المرض بيظهر عليه و بتكتر همومه و بتضيع فلوسه  و بترحل الصبية و ما بيبقى إلا رفيقة العمر الوفية  مسند لراسو التعبان.

جهلة الستين اللًه يستر

و رابع عشرين اللًه المعين  بيصير يحاول المستحيل تير ضي  الجميع  قبل ما  يفوت الآوان بيرجع لربه و للدين و بتتملكه  العاطفة و الحنين  و بتمر أدامه  ذكريات السنين و بيشوفها  بأحفاده و ولاده و بيحاول المستحيل تيجنبهم الغلط    لعلمه الأكيد  و بعد تجاربه مع الحياة لكن لا من مجيب و لا من سميع .

أكيد ما حدا بيقنع إلا ما يشوف  بنفسه كل شي  و الأنسان بأول عمرو بينحمل بكل الأحوال و الأشكال و بعدين بيحمل  كل المشاكل  و المصايب  و بالآخر بيتحمل على جميع الأشكال

كل عشرين من حياتك و انت بخير

الموضوع التاني عن النسوان أكيد الهن كمان دور

ماري حداد

Tags: ارشيف الموقع, مجتمع // Add Comment »