قصتنا بهالمجتمع
القصة يللي رح احكيها
قصتنا بهالمجتمع
يمكن احلى لو غنيها
حتى المجتمع يسمع
مجتمعنا ديمقراطي
يعني صاحب القرار
هوي الشعب
و شعبي راضي
خلف الخوف و الانتظار
***
مش ضروري المركز يبقى
للعيلة بالوراثة
يعني اللي بيّو حرامي
ليش ابنو بيطلع سراق
متل اللي بيّو شي نايب
ابنو بيطلع سياسي
و اللي بيّو شي حاكم
ابنو بياخد الكرسي
***
في عنا مزارع
روحوا ازرعوها
في عنا مصانع
روحوا ديروها
تركوا لولادكم الحرية
يختاروا مستقبلهم
حتى لو مهنة
عادية بسعادة يشتغلوها
***
هي عادتنا القبلية
منورت كلشي لولادنا
أما بالأشيا المصيرية
بتأثر على بلادنا
تصوروا شي واحد قاضي
بيورت ابنو القانون
بيطلع ابنو عندو ماضي
كل عمرو مقضي مسجون
***
في مهن كتيرة
غير السياسة
في اشغال كتيرة
غير الكراسي
ليش العيل البسيطة
ولادن عم يربوا بالذل
العدالة اكبر تجليطة
و الفقر معدن قاسي
***
بدي صرخ على العالي
يللي ع العالي اسمعوا
في هموم كبيرة ببالي
انشالله منها تقنعوا
ابو سالم الدكنجي
ابنو اكبر محامي
و غارو الارمني كهربجي
ولادو طلعوا لحامي
هودي ما ورتوا من اهلن
غير اسمن ع الهويي
عملوا بايدن مستقبلهن
مش بالاسرة العائليي
ليش المراكز بتتسلم
للعيل بالوراتة
و في جيل من الناس معلًّم
و بيصلح للرئاسي
***
هالغنية اللي غنيتا
يمكن ما يتقبلها
إلا الناس القاعدة ببيتا
و عم تندب مستقبلها
هيدا تاريخنا و قصتنا
ما رح نقدر نتغير
لما نحرر عقليتنا
مجتمعنا بيتحرر
غسان الرحباني
Discussion Area - Leave a Comment