lebjournal.com

بعرفها كتير منيح

عنّي منّا غريبة بالمرّة

بايد فنجان القهوة

و بين شفافها عم تلعب السيغارة وحدة من ألعابها الوسخة

بكلّ وقاحة بتسأل الستّ وين الدولة

وبتشرح رؤيته العوجة لبناء الكيان

من دون ما تذكر الأهمّ : بناء المواطن.

ادّامها نايب سابق من ماضي ما بيخجل

و عن أمجاد مبارح بيحكيكك

كان على حدّ قولو

مضطرّ عنجر يزور بالسبوع مرّة

أمّا اليوم من عوكر ما بيتكنّس بالمرّة

بيرسملك مشاريع مستقبليّة لبناء الدولة

و بعناد الحكيم ، وحكةة العنيد

بأكّدلك انّو لا حلّ من خارج هالتصوّر المريب

و مرّة جديدة عن جهل أكيد

بينسا انّو لا مجال لبناء الدولة من دون بناء المواطن

بالمختصر لا هيي ولا هو عن الدولة بيعرفو

ببساطة بيخططوا ، بيتصوّروا ، بيطرحوا ، كلّو بالوما

ولولا هالوما كان الشعب من زمان عاش بالهنا

وبا لخر يا جماعة ، قبا ما تسألو وين الدولة

سألو حالكن “هل أنا يا ترى مواطن؟”

ولمّا عن هالسوؤال تجاوبو بتنفتح بواب الحلّ على مصراعيها

وليلّي عم بيسأل شو يعني مواطن رح ابقى خبرو أكتر من خبريّة

قريبا

جورج . ج . عقل

Tags: سياسة // Add Comment »