بين التصريف والتكليف الله يسترنا
Lebjournal.com
الفرق بين المكلف والمرخص كبير انو الملكف يعني أصلاً هو ما كان غالي بس في حدا زاد سعرو وصار مكلف والمرخص كان أصلاً سعرو غالي بس في حدا رخصو انو القصه كلها أسعار ومبيعات وحسب الطلب والزبون يا خي ما بعرف انو بلبنان كل شي ممكن واللبناني مبدع بكل شي تصور إنو شي ما ألو سعر ورخيص يصير غالي ومكلف وشي تاني يكون مكلف جداً بس بطريقتو اللبناني بيرخص بي بيو انو أنت فكرة فيها ليش الوزير المر مبارح جدد الترخيص للسلاح ؟ لانو حياة الناس مكلفي كتير عالدوله منشان هيك رخصو للسلاح . وفي نايب مكلف ما كان عم يكلفنا كتير قامو عملو رئيس مكلف شايفين وين البعزقه؟ واحد بيرخص وواحد بيكلف . بغلى هالاسعار المواطن مش عارف كيف بدو يعمل انو عم تجيبولو رئيس مكلف كتير .. إنو ليش يعني ؟
انو لبنان مميز كتير لدرجة انو مبارح بإفطار القصر كان في ٤ روءساء
رئيس الجمهوريه ورئيس المجلس ورئيس تصريف ورئيس مكلف .
وأنا برأي انو طالما في رئيس تصريف رح يضل الرئيس مكلف . انو ما بدا ذكاء القصه من دون تصريف كيف رح نقدر ندفع كلفة الرئيس المكلف ؟
طمنو بالكن يا لبنانيي .البلد بألف خير وهيك هيك صار علينا شي ٧٠ مليارد دولار ديون . انو شو صار إذا صارو ١٠٠ مليارد ؟
فعلاً اللبناني نابغه وبيوجد الحلول المستعصيه على أكبر الأقتصاديين بالعالم .
حاجي تنقو إذا بتريدو انو في شوية غلا بس ما خربت الدني .
لازم يحسو هاللبنانيين بالمسئوليه ..ولو مش كل بلاد العالم عندا رئيس بيصرف ورئيس مكلف .
يا خيّ بحب طمنك انو هالرئيس المكلف و حتى ما يكلف بقى خزينة الدولة رح يعتذر و ينصرف قريبا لان مش رح يطلع بإيدو اكثر من تكليف … و بعدين ما تنسى صراع الدول العربية و مصالحها ..
هيدا لبنان يا عزيزي..