وبتبقى البطولة حكاية، حكاية عسكري بطل، مات تيبقى الوطن
Posted on August 1st, 2009 by sarah hajj
LebJournal.com
وبتبقى البطولة حكاية، حكاية عسكري بطل، مات تيبقى الوطن
شو فيا دموع هالحكاية، شو فيا أبطال سهروا تنحنا ننام، وماتوا تنحنا نعيش، ونأسروا تنحنا نبقى أحرار، دموع ام عمبتدوّر عابنا بين الأبطال، ابن كلّلته القضية، وكلّلت كتفو نجوم، نجوم حمّلتو مسؤولية.
حكاية عملتت من الشّهادة أسمى هدف، حكاية شب زلغطولو وقتا رجع شهيد! حكاية تاريخ بيكتب أسامي مجرمين ورؤساء ومعارك، وبس يوصل لعندن بيختصر المجد وبيقول: “جيش الوطن” وطن اسمو لبنان، وقضيّة شعب بيعشق الحرية….
بهالعيد الكن منّا ألف تحية وتحية، على أمل انو تضلّو وحدكن حاميين هالوطن….
كل عيد وراية الشّرف مرفوعة…
ساره الحاج
Discussion Area - Leave a Comment