Posted on July 16th, 2009 by Alain Safa
Lebjournal.com
Alain Safa
يا ساكني بين ضلوعي
يا محرمي ناعمي عم بتنشف دموعي
يا عطر مبلسمني ،يا ريح غيرني
يا حكاية الحكايا يا أحلى الصبايا
يا لون الفجر ،يا نور البدر ،يا تم ألسحر
يا لحن مدوزن بغنية الحب البكر
بحبك انتي يلي عشعشتي بقلبي الوكر
بحبك أنا ومن حبك حبلت أفكاري
وجابت ١٢ شعر
كل شعر بشهر
وكل شهر بعسل
وكل عسل بثغر
وثغرك عاتمي باقي كل العمر
ناعمي انتي يا ناعمي
وبنعومتك بتقتلي أتخن زلمي
يا ناعمي يا أنعم من رمل البحر
يا قصة الغزلان الراكضي
يا فرحة المواسم الواعدي
بحبك مش متل ما بحب الوالدي
بحبك حب دافي بيقتل الليالي الباردي
بحبك حب تفصيلي وبحب فيكي الشاردي والواردي
يا ساكني بين ضلوعي أوعي تروحي أوعي
لانو إذا رحتي … مين رح بينشف دموعي ؟
Post it on your Facebook account or mail it to your friends..
Tags: ثقافة وادب وناس // 1 Comment »
very nice ya alain 7elwi ktir ktir
neyelaaaaaaaaaaaaaaaaaaaaa