مسا الحريه
Posted on July 3rd, 2009 by Alain Safa
Lebjournal.com
ألان صفا
مسا الحريه
مسا الروح اللبنانيه
مسا الأمل والشمعه المضويه
مبارح كنت عم تابع برنامج ترنزيت على تلفزيون أخبار المستقبل
وكانو مستضيفين ٣ زملاء من محطة الأم تي في ولفتني جداً ومن دون إستغراب اجوبة المدافع الدائم عن الحريه و الصادق والمميز الدكتور زياد نجيم
بحب قلك يا زياد أني ما تفاجأت بصدقك ولا بشفافيتك ولا بأحترافك المهني وبموضوعيتك
أنت هيك من أول مره تابعتك على ال بي سي بأول برنامج لالك وهو ليلة حظ
زياد نجيم عنوان للصدق وللوضوح
عنوان للشجاعه والموقف الجريء والأحترام لرأي الآخر
وقت يلي مقدمة البرنامج قالت هل ستكون الواعظ مجدداً في برنامجك الجديد مسا الحريه ؟
عجبتني كلماتك وقت ما رديت وقلت انو يلي بيتهمك أنك بتريد تكون دايماً الكلمه الأخيره الك وقت ما قلت هيدا صحافي معقد عقده نفسيه من ايام الطفوله وحسود ومش عارف كيف بدو يوصل .
حبيت فيك صدقك وقت ما حكيتو عن انو ليش ما بيقول الصحافي أو الأعلامي انو مع هذا الفريق أو ذاك ؟
عجبتني وقت قلت انو الأعلامي له ألحق أن يكون مع أو ضد ون يكون شفاف ..قلت كمان انو الناس منن هبل لنن عم يشوفو انو بعض الأعلاميين بيدعو أنن مش مع حدا وقت ما كل الناس بتشوفن أنن منحازين
وقمة الشفافيه عندك مبارح كانت وقت ما قلت أنا زياد فوأد نجم سجل ٣٨ بعلبك
من دون تجريح بالزميل وليد عبود يلي كان معك بذات البرنامج ويلي حول يوحي بأنه مع الفريقين شاهدو المشاهدين الصدقيه والتزلف أو بعباره أخرى الطريقه اللبنانيه الرماديه التي اوصلتنا إلى هذه الحال
وليد عبود رئيس ألتحرير ولكن … زياد نجيم أنت نجم التحرير
أنت يلي ببرنامج استفتاء وفي ظل الوضع ألقائم أنذاك وقفت وحكيت بحريه وكان السيف عا رقبتك
ومعك حق متل ما قلت مبارح . السياسه علم قائم بحد ذاتو ومش مين ما كان بيفهم فيها
ومبارح ذكرت دولة الرئيس ميشال المر يلي كان إلو دور كبير باقفال الأم تي في السبع سنوات الماضيه
وبالرغم من موقفو السياسي الراهن الموالي للام تي في ما حابيت ولا تزلفت وقلت الأمور متل ما هي
بحترمك وبحترم فيك احترامك لنفسك
بحترم فيك مصداقيتك يلي هيي رأسمالك
زياد نجيم
أنت نجم ألاعلام الشفاف في لبنان
طالما في ناس متلك بلبنان الدني بألف خير
وفي ناس ما رح يعجبن يلي كتبتو عنك
وفي ناس كتار رح يأكدو هالكلام يلي كتبتو
المهم انو لو الواحد اختلف معك سياسياً مجبور يحترمك لانك بتحترم نفسك
مسا الحريه لزياد نجم كل أربعاء على الأم تي في
مسا الحريه للبنان المتمرد على العبوديه
مرحبا
على فكرة الكلام كتير حلو وانا من معجبين الدكتور زياد
حابة اطلب طلب واتنى من يقرأ رسالتي وباستطاعته المساعدة فليساعدني ارجوكم
احتاج الى ايميل ورقم هاتف الدكتور زياد لأمر هام هام هام جدا
احتاج الى التكلم معه ورؤيته ضروري ضروري بتمنى الساعدة ولكم جزيل الشكر
رشا زياد نجيم
زواج=زوال