Posted on July 28th, 2009 by Alain Safa
Lebjournal.com
ألان صفا
مين منا ما بكي شي نهار ؟
مين منا ما نزلو دموعو متل انهار ؟
مين منا ما حس بيوم انو متل الجبل عم ينهار ؟
بس وقت يلي نزلو دموعها على خدودها تغير لون السما
وتغيرت دورة الشمس والقمر غير المسار
ما كنت عارف انو دموعها رح تغير لون الكون
ما كنت عارف انو الحزن بقلبها رح يمسح دموعي
ما كنت عارف انو دموعها رح تقتل ظلمتي وتضوي شموعي
دموعك شلالات بجنة ربوعي
دموعك حبات لولو بتحلم فيكي قبل ما توعي
بتغنجك، بتدللك ، بتاخدك لعندي وما بتعودي تروحي
ما بحب أنك تبكي وتنزلي دموعك
بس إذا بدك تبكي من الفرح ومن نشوة رجوعي
راجع أنا بسرعه لعندك تا تغسلي عني غبار شوقي الك
وتا تسقي أرضي الناشفي بدموعك وتنزليلي دموعي .
Post it on your Facebook account or mail it to your friends..
Tags: ثقافة وادب وناس // 1 Comment »
لا بد من الدموع في حياتنا ……لك نحنا لو ما بكينا بننفجر …الدموع بتغسل القلب وبتريح النفس ….وللدموع سحر عجيب بقولوا بتحلي العينين !!! …يمكن لانا بتكشف شو في بالقلب من رقه واحساس شو في جوا من انسانيه !!! القلب القاسي ما بتعرف عيونه تدمع ….واكيد ما في احلى من دموع الفرح