بنزين أحمر وبالونات حراريه
قلتلها وين ساكنه وين
ببيروت أو بالمعاملتين ؟
بدي زورك شي زياره
وقدملك نور العينين
قلتلي ساكنه ببيروت
بس رح انقل عى بلوني
قلتلها جاي لعندك
فرشيلي تحت الليموني
وغليلي فنجان قهوي
وعى صدري حطي الركوي
بس اوعى تكوني مفتكري
أني بليله وضحاها رح أقدر شيلك من فكري
قلتيلي عنا بغديك فروت كوكتيل وفريك
أكلاتي مش مدهنين
ومشروبي بلدي منو من الفبريك
بس يا خوفي إذا شربت مين بيقدر بعد يهديك ؟
قلتلك ما تخافي أنا مهضوم ومني سميك
دقيلي بأيام تشرين
تا نتلاقى بالتلفريك
لبسي أحمر وتبودري
وعى شفافك كتبي هوم دليفري
ووصلي عى قلبي عسلاتك دغري
أنا شاعر مكهرب من دون كابلات
بحلم ،بحس وبكتب روايات
مرقت كتير بمحلات وبمحطات
بس متل محطتك ما شفت حتى بالمنامات
بنزينك أحمر وسيارتك بلا فرامات
يا دللو يللي ما بيعرف شو يعني البالونات
بوالينك حراريه حرارتها ألوف الدرجات
بنزين وحرارة واحمر لون الشفيفات
طلبيلي الأطفائيه أو حرقيني ودفنيني بين هالرمانات
بركي بخلق عن جديد وبيصير متل الليمونات
متلك أرونج كللني فيتامينات
قلتيلي هيهات منك هيهات
أنا طلباتي مستحيلي
هات شو في عندك هات
بدي منك قصيده ما تقصد فيها شي
وبدي منك حلم ما تحلم فيه بشيء
وبدي ضو القمر يكون أقوي من ضو الشمس بنتفي
هودي دفعه اوليه
والبقوه بتدفعن بالصيفيه.
مهضومه كتيييير
هيدا الشعر شو ؟
حسيتها مثل الأغنية
ماري عزيزتي الشعر صفوي مي بالمي
وهيدي هي الغنيي
بنزين أحمر بلا رصاص بس قوست بعيونا كل الحراس
ولك شو بدو يحمل تا يحمل هالراس
صارت الطبخه مستويي
كتير حلو جد ليش ما بتألف اغاني يا آلن
very nice ya alain i love it
)