كل سوأل يوم عيد
سألتيني سوأل كبير ومنو حشريه
دخلك ليش هلقد مهتم فيي كتير ؟
أنا بنت عاديه بنت عيله لبنانيه
بيي حلاق ومنو وزير وامي ست بيت حنونه أصلا ارمنيه
نهر محبتها بيهدر هدير
بشتغل من الصبح لعشيه بعرق جبيني مش بالتبصير

جمالي طبيعي وكلماتي ارتجاليه
بنام عا تخت عادي ما بنام عا حرير
وقت ما حكيتك أبداً ما كان عندي نيه
تهتم فيي هالقد وتعيني مدير
لكل مشاريعك ألاًنيه والمستقبليه
ولكل يللي صار ويللي بدو يصير
قللي وجاوبني بصفا النيه
ليش هلقد مهتم فيي كتير؟
قلتلك لأنك عاديه وبنت عيله لبنانيه
حبيت فيكي الأخلاص والعفويه
شفت عندك جمالك الطبيعي والمنير
حبيت مية أمك وشربت من نهرها يللي بيهدر هدير
أصلك أصيل من عمر النخيل خلطة عربيه ارمنيه شي مستحيل .
بييك الحلاق بيحب الرواق والشمس والهوى العليل
وشعرك الطويل وألليل متوأمين
عندك فرح عندك ولع عندك حنين
سللمتك إدارة مستقبلي تاتسني قوانين
وقوانينك عادله بيخضع لها السلاطين
ومهما حاولت خبرك عن نيتي وهدفي
وفتحت كتب وقريتلك عن شغفي
وعن أحلامي ولهفتي ورهفي
وعن تلال حبك يللي عا وادي قلبي مشرفي
رح قللك كلمه وحدي ما إلا فريد
بحبك من كل قلبي حب مميز وفريد
بحبك من الوريد للوريد
ومن حبي الك ذاب الثلج ذاب الجليد ذاب الحديد
يللا ساليني بعد ساليني عن جديد
كل سوأل رح يكون عندي يوم عيد

Tags: ثقافة وادب وناس // 3 Comments »