بتكبر مدري كيف
Posted on December 7th, 2008 by rita chahwan
الايام ، بتكبر مدري كيف
ما بتعود تشوف من الايام الا خيال ما منفهم كيف
اشيا بتغيب كانا ما كانت قبل ما تغيب
بسال حالي كتير : معقول انا يلي رح غيب
متل ما هالواقع عمبيغيب
الايام بتخلص مدري كيف
اللي كان صغير … صار كبير
اللي كان بالقلب صار بغير قلب
الايام بتكبر … ما منعرف كيف
***
مش زعل .. ومش حزن
ومش شي … ولا شي
هيدا هوي كل شي !
***
مش زعل : بس اللي كان …
بطل …
شو نفع الايام …
شو نفع كل هالاعياد
مش زعل : لأ
اقوى من الزعل
***
خيّ … مش زعل
Discussion Area - Leave a Comment