Posted on November 26th, 2008 by colette francis
فكرت إنو إذا ابتسمت للحياة .. الحياة بترجع تبتسملي
طلعت أقسى من هيك .. وبصفعتها بتقتلني
فكرت إنو إذا قلت حبيت .. رح يفرح وبحبه يبادلني
طلع الحب مش من مصالحه .. وبهروبه حييرني
فكرت إنو العمر بيخلص .. والشغل ما بيخلص
طلع العمر انسبق .. والدنيي فرص
فكرت إنو لهالدني .. ألوان وعبر
طلعت رونقها مرّ .. وطعمها أمرّ
فكرت إنو الصداقة .. بركة مقدّسة
طلعت كذبة .. بألف غاية وغاية مغمّسة
فكرت إنو الإيمان .. قوّة وأمل ما بينمسّ
طلع ضعف وخوف .. حسب الأحزان بينرصّ
فكرت إنو ألله كبير .. وبوجوده ما بتكسّر
طلع ربي مشغول .. وبهموم غيري متأثّر
فكرت إنو العيلة .. مسبحة صلاة ما بتتفرفط
طلع إذا حبة منها وقعت .. بتضيع وبتتشتت
فكرت إنو القلب .. كتلة لحم بالدم ملوثة
طلع هموم ومشاعر .. بالعذاب ملبّكة
فكرت إنو العقل كبير .. وبالعواطف ما بيتمثل
طلع للعقل والإحساس .. قلب واحد وبابو مقفّل
فكرت إنو للكون .. مخرح وكاتب نصّه محلل
طلع كله كوارث وآلام .. وبالتنفيذ أخطاء مسجّل
فكرت إنو الصمت .. إحترام وحذاقة مسيّسة
طلع الكلام أذكى .. وقوته محنّكة
فكرت إنو الزمن .. دورته مبكّلة
طلع روتين .. وبعيد نفسه ولحظته مكررة
فكرت إنو المحبة .. صلاة . خشوع . ومذبحها مكرّس
طلعت كتلة ثلج .. بتذوب مع الحرارة وعطرها بينقص
فكرت الفقر والجوع .. ما بيرحم
طلع الثروة خطية .. ويا ويل اللي بلذتها بينعم
فكرت إنو إذا الهدف سامي .. بنيّة صافية منوصل
طلع المصير جاني .. ومن صدقنا منفشل
فكرت إنو إذا قلنا فنان .. بيضحكولنا
طلع الفن بهالإيام ضعف .. وطبع غريب بيرسمولنا
فكرت إنو منخلق زغار .. ومع الوقت مننضج ومنكبر
طلع الزمن بيرجع خليفية .. وبعمرنا كرمالنا منزغر
غريبة هالدني شو خبيثة .. منشوفعا بعين
منرسمها . منتخايلها . منلوّنها . منحلمها
كل إنسان حسب مبتغاه .. بريشته بيدهنها
بينما هيّ .. بتشوفنا بعينتين
عين تتضحك علينا فيها
وعين تتذلنا .. ونركع لنصرها ونحتقرها
Post it on your Facebook account or mail it to your friends..
Tags: ارشيف الموقع, ثقافة وادب وناس // 5 Comments »
ra2i3a
u know kel yom 3m sir fadel che3er bel legha lebnenye
3enna ktyr ktyr mawheb
لماذا كل هذا الإحباط؟
جد مثل ما قال بسام صديقنا العزيز
لماذا هذا الأحباط يا كوليت
الدنيا جميلة إذا أحببتها
أبتسم لها تبتسم لك
أبكي تبكي لوحدك
لا أعتقد بأن الأحباط يليق بك عزيزتي لكن جميعاً نمر بأوقات نشعر بها بأن الدنيا لا تنصفنا
كلامك رائع و جميل
Hi Colette.
This is a VG poem and u have a wide imagination but u do nut have to be that much disappointed in life.
1: if anybody betray u; he or she doesn’t deserve u so be glade to leave him.(they loose)
2: life have it’s ups and downs i am sure that when u r down u have a close friend to talk to.
3: Remember always that there is a god and he never leave u even if u r down believe in him he will relieve u.
Keep on the grt work.
waiting fore your next post.
yours truly
Ziad Zoghbi
my friend Coukii ra2i3a bas ktir pessimist hayde la7za bte2ta3 b 7ayetna ma btetkhata la7za aw betkoun 3m tedfon fina 7ayet kemle…
la7zet do3ef betkalina neskar b kel hal 7ezen…