شكر مخبا بالقلب
كنت بوقتها على المزرعة عند رفيقي …كنا عم نحضّر سوا مشروع التخرّج…قلتلو خلّيني ارجع على البيت بكيّر يمكن الليلة اسرائيل تقصف و لازم كون مع أهلي…و هيك كان…رجعت على بيتي و كنت عم أحضر الجزيرة و ناطر بأي لحظة الانفجار….و كمان هيك صار أنا و عم تاخدني الأفكار … صرخت بصوت عالي سبق صوت الانفجار…بلّشت الحرب.أول ليلة كانت عادية…التانية كانت أصعب بكتير…بالتالتة ما قدرت نام
…ما قدرت نام مش بس لأنو القصف كان مرعب…بس كمان لأنو بليلتها كان الألم محفور بقلبي من اخوتي بالوطن من الزعما الأفاضل يلي كانو عميرمو عليي أنا و بغض النظر عن كل باقي العباد بس أنا كنت عم بتألم من العبارات و الادانات و عدم الاعتراف و التخلي عن هالمجموعة و يلي أنا كنت واحد منها كوني كنت تحت القصف و مش ضروري كون بنتمي الها بس كل واحد كان عمينقصف كان منها.بعتقد انو ما كان في شي ببرّر هيك مواقف…الا اذا كان أصحابها اما أغبياء سياسياً و وطنياً…أو أنهم يؤمنون بالحق الصهيوني…و ضلينا هيك بين الخوف و الألم و الحيرة و الضياع لفترة مش قصيرة…..لحد ما بيطلع زلمي من هالوطن…مشكلتو انو عنيد و زلمي و قلبو عنجد وطني….زلمي بلحظات بيوقف مع ابن بلدو و ما بيتخلى عنو…زلمي بمد ايدو لخيو يلي العالم كلو كان براهن على غرقو…زلمي وقف بوج العالم كلو ليقول …لحظة يا الكل هلق مش وقت المهاترات … هلق وقت النضال…بعتقد انو كل لبناني لازم يراجع هالزلمي منيح و يحاول يستوعبو و يفهم شو تصورو للوطنية…و بتمنى منو انو ما يتغير و يضل الجنرال الوطني العلماني اللي مش بدافع عن حقوق المسيحيين وبس. يلي بدافع عن حقوق الوطنيين و المواطن و الوطن و شعب لبنان العظيم….شكرا جنرال ميشال عون من القلب….
That 2 months he was a man, la2anu ken ma3 el 7a2.. Bas what i don’t like is when bidefi3 3an 72u2 el masi7iyi.. I think lezim ydefi3 3an kel el lebneniyi..
يعني كمال كأنك جالس معي الموضوع كنت عم فكر فيه و نزل … شيء حميل مش مهم اسم الكاتب انما المهم هو الموضوع … على كل حال دعني ازيد على ما كنت اريد قوله حول هذا الموضوع …
كلمة حق تقال للعماد ميشال عون ..
فكما اختير الرسول بولس ليكون صخرة الكنيسة ..
( و على هذه الصخرة ابني كنيستي )
كذلك الامر بالنسبة الى العماد ميشال عون الذي فرض نفسه بقوة شعبيته عمادا من اعمدة الوطن و على هذه الصخرة ابني وطني لبنان ..
فانت الصخرة الصامدة بوجه كل من يريد ان يعيد البلد الى الوراء .كلمة شكر لن تكفيك يا عماد على ما تقدمه من تضحيات للوطن ليت الجميع يتعلم العبر و الوطنية منك عندها نشهد ولادة جديدة للبنان …
فكما تقدر المسوؤلية التي منحك اياها شعبك كذلك الامر فان الشعب لن يخزلك
لك نقول يا دولة الرئيس انت ربّان السفينة و نحن الشراع فقد سفينتك الى برّ الخلاص و اليبنى لبنان من جديد
شكرا لك يا دولة الرئيس ميشال عون
و شكرا لك اخي كمال ..