الراي العام :يعمم على اللبناني
الراي العام :
يعمم على اللبناني
بلبنان غير عن كل البلدان ،في راي وفي راي عام وفي راي يعمم
الراي العام : هوي راي عام ، راي خالتك خالتي امك امي ستك جدي وانت بتتبنا لانوا عام .. متوارث
في عندك نوع اسمو رأي هيدا الراي حاف صعب كتير يتلاقى منو بلبنان .. انك تكون صاحب راي كأنوا عندك فعل سيادة حرية استقلال … صاحب الراي هو بيكتب رايو .. بدافع عنو ، بس قبل : هوي بنبش عنو !
هلق فيك تتبنى راي …. منك قادر تجيب راي فيك تتبنا من ايا دكانة سياسية …. او حتى ما ضرورة تتنقل خود ورقة معا قلم ، دور اللبنانية للارسال بيطلعك راي مع مرافعة … واذا ما حبيت اللكنة البشرانية غير المحطة … خود براي محلل عوني … ما هني موجودين مشان يكون عندك دفاع عن الراي قبل الراي
زعجولك طبلة الديني ….. انتقل على الان بي ان وبرنامج الحب محبة وتبرع يا زعبرجي .. هونيك بيصير عندك ثقافة، وراي بالثقافة مع خبرة اجتماعية حياتية
نهزت اعصابك …. غير المحطة روح على النيوتيفي … تلقائيا بتحس اعصابك نفجرت عن بكرت ابوا من برنامج الفساد الى نشرة النعوة ….
وهلم جرة …… هيك فيك تاخذ شي رأي …. وتتبنا …
كمان وايضا فيك تتبنى رجل سياسي … بتدلعو بتزمرلو بترقصلو وبتتبخلو بتشوبرلو ، وهوي ما بيعمل الا اصدار نسخة جديدة من الراي …. وعند تعميم الراي تتبناه بكل ثقة لانوا ببساطة هوي طازة من عند الزعيم… من الزعيم اليك …
وهلق صار عندك راي .. انت عليك بس تغني … او تسجلو تيكرر حالو لحالو … !
شو بحب هالطريقية بالسخرية على السياسة ورجال السياسة
دائما كلماتك بتصب محلها تماما وبتوصل الفكرة مثل ما انت بدّك
كتير حبيت يا ريتا
تحياتي صديقتي
merci rita bi essem kell wa7ad 3endo cha2fit rass byefroz, hayda eza 7dina 3a elleton bi hal balad el ta3tir
7adretna mnel ra2y el 3am
men sawt el ma elo sawt
kif 7alak? walla tamam
3ayech men ellit el mawt
[...] http://www.lebjournal.com/newz/?p=1288 [...]