اهل الساسة والشعب !
اهل الساسة والشعب !
فكرت ان اكتب مقال عن فرق المنطق بين اهل الساسة والشعب ولكن عقلي لم يحتمل تحليل كهذا لذا فكرت وببساطة ان ارسم حوار بين مواطن امام الشاشة وسياسي خلفها !
السياسي : انا بمثل هالشعب ….. انا عم يحكي بحقوقوا … حقوقوا مهدورة مصالحوا هدمولوا ياها ………………………………………………………………………………………………………………………………
.باسم الشعب
الشعب : ولك روح يا “ممثل ” الشعب انت يا كبير ! انوا اذا طلعت عيني عالشاشة وقلت انك بتمثلني , صرت تمثلني او قصدك “تمثل” عليّ!
انوا دخلك حقي المهدور مش انت مسؤول عنوا ؟
او همي مش انت سببوا !
ما يكون في حدا تاني مثلا ومني عارف
السياسي : وبحب اكد، ايه ما في اكد؟ مبلا بدي اكد: هيدولي هني يلي مسؤولين عن المصايب … انا ساكت ايه ساكت مني ساكت؟ مبلا ساكت
…………………………………………………………………………..
هو هني !
الشعب : وحياة الله ؟ عم تاكد؟ لك انا باكدلك انو عنا مصيبة ، الشعب واقع بمصيبة انك مش ساكت او ساكت بش عسرقاتك …. يا سياسي الزفت !
حاج تحكي : هات لغير المحطة !
السياسي الاخر : عمبفرغوا الوطن من مضمونوا ، فرغوا الدستور… فرغوا الرئاسة ، وهلق الوطن ، شغلتن وعملتن يفرغوا !
الشعب : اه اي وكيف عمبفرغوا سيدنا ابو فكحا ؟ انو عميحفروا تيفرغ المضمون مثلا؟ سيد جبان : مازال عميفرغ الوطن لي ما بتقلنا كيف؟ انو نسبة لشو هلق فارغ ؟ انو كان مليان؟
السياسي الاخر : عميقتلوانا واحد واحد ، اكيد اكيد اكيد من مصلحتن يعني .. هاو هني اكيد اكيد ما في ادنى شك!
الشعب : دخلك هلقد خايف عحالك سيد جبان ، عاساس جسمك خزيق ؟ طيب كيف ماكد انت ، انوا عندك ورقا بتاكد ؟ عندك دليل اثبات انت شاهد”حي” انت قاتل “حي” انت شو انت؟ انو نسيت اكيد اكيد اكيد هيدا سفق حكي
هات لنغير المحطا !
السياسي المحنك: انو فرضا هاو مع هاو وهيدوليك رفقا مع هاو ما بيكونوا “الهاوين” عنفس الموجي؟
انو عميستهبلونا ، انا شفت مرتوا بحضن هيداك!
الشعب : يا عيب الشوم ، حضنوا كمان ! انو شو خص حضنو بالسياسية ؟
السياسة المقحقح بوج المحنك: بك بس بحضنوا .. انا كنت شايف ابنوا عمببوس بنت هيدوليك… وقلا :
منشوفك ايه، هيدا رقمي !
هيدا دليل فاضح واضح صريح على انوا في اتصال بيناتن … بين قوى الشر والاشر !
الشعب : انو هلق كل هاو ….. بمثلوني ؟ عما شو حمار انا ….. هلق اذا هاو بمثلوني وانا مش هيك بمثل حالي ، ونقيتن ما بكون حمار ؟ مبلا مبلا حمار !
Discussion Area - Leave a Comment